A Cámara Oficial Mineira de Galicia convoca o primeiro certame de pintura rápida en explotacións mineiras de Galicia, que está patrocinado por Endesa e apoiado pola Consellería de Industria. Esta primeira edición terá lugar no vertedoiro das Pontes o 30 de setembro. Entre as 10 e as 18 horas dese día, os artistas que se anotaron previamente deberán inmortalizar un recuncho dese antigo vertedoiro de escorias procedentes da mina, hoxe convertido nun espazo arbolado e pasteiros dun milleiro de hectáreas.
Os premios en metálico suman 6.000 euros. O primeiro 2.000 euros, 1.500 o segundo e 1.000 o terceiro. O xurado concederá tres accésit de 300 euros cada un.
A inscrición no certame é gratuíta. Os interesados poderán anotarse ata o mesmo día 30 a través do teléfono 981 139 664 e do correo electrónico cmg@camaraminera.org. As bases pódense consultar na web www.camaraminera.org.
Cada concursante aportará o seu propio material. Terán liberdade á hora de elixir a técnica e o estilo, aínda que a temática deberá limitarse ao vertedoiro. O concurso pretende destacar os proxectos de restauración ambiental na minería.
informacion da voz de galicia. imaxen: aru (proxecto para a rexeneracion dunha explotacion a ceo aberto cerca de Leipiz)
Sem comentários:
Enviar um comentário