Falecemento de Carmelo Teixeiro, Coordinador do Comité Cidadán de Emerxencia para a Ría de Ferrol

De corazón, graciñas por loitar por un mundo mellor e máis xusto. Ata sempre.

Ultranoite en defensa da ría de Ferrol

Este sábado 2 de febreiro, ás 20:30 horas, o centro sociocultural Torrente Ballester (Ferrol) acollerá o espectáculo colectivo Ultranoite en defensa da Ría, producido pola rede de acción sociocultural Arredemo e Burla negra, a modo de homenaxe aos veciños de Mehá e á xente do Comité Cidadán de Emerxencia, e como denuncia da actitude servil a intereses económicos particulares manifestada polos gobernos da anterior e da actual lexislatura, e que se traducen na imposición da planta regasificadora contra os intereses da cidadanía e do ben común.

O espectáculo que está programado para o sábado 2 ás 20:30 horas, contará coa participación, entre outros de: Chévere (Mónica García, Miguel de Lira, Xesús Ron...), Carlos Santiago, Espido (Guadi Galego e Guillermo Fernández), o Mago Romarís, Os da Ría, Clara Gayo, A Caricia da Serpe (Lino Braxe, Rómulo Sanjurjo), Volta e dalle (Pepe Penabade, Comba Campoy...), o colectivo de circo Pista Catro, Rebeca Montero, e os músicos Bernardo Martínez, Xoan Piñón, Xaquín Blanco, Suso Alonso e Xabier Olite, coa actuación estelar das "cantareiras e cantareiros de Mehá".

+ info: ARREDEMO

Carta aberta de R.Pillado a Aymerich, portavoz BNG‏

FALSEDADE HISTÓRICA

Por Rafael Pillado (Publicado no Diario de Ferrol)

Amigo Carlos, non considerei respostar o teu artigo de xuño, porque a única acusación que me facías, a mín e a outros, era a de ser afiliado do PSOE.

Pero chegado o momento. Precisamente, cando se firmou a acta de funcionamento da planta, coa pretensión de indemnizar os promotores cando se peche Reganosa. Vou mostrar como as túas "Catro verdades sobre Reganosa", son medias verdades e falsedades:

Primeiro, seguindo a Reganosa, xogas coa planta de gas de Xixón. Escondes que si os promotores houberan querido, esa instalación no porto exterior estaría funcionando, sen oposición algunha.

Segundo, rexeito que o Comité Cidadán de Emergencia crítique soio o BNG. Na comarca de Ferrolterra hai tres organizacións políticas que reclaman "Planta de gas fora da ría": EU, IF e TG. O resto, con posicions distintas no seo de cada quén, acatan a decisión do poder económico, entre eles o BNG, que mudou a posición que tiña con Xaime Bello.

Pero, hai que sinalar que, contra Reganosa dentro da ría, estamos xentes da dereita, da esquerda e do nacionalismo. Se trata de defendela vida e a supervivencia da ría. Nesa tarefa, non pode haber colores.

No teu artigo buscabas confrontar as bases do nacionalismo contra o "españolismo". As veces, esa táctica dou resultado, pero te equivocas, agora non hai tal.

Terceiro, acusabas o Xeneral Gabeiras e a súa familia. Só cabe resaltar a súa dignidade ó asumir a presidencia do Comité Cidadán, frente a Reganosa. Resulta indignante que te sumes a Reganosa na tarefa de denigrar a unha persoa que, dende o xeneralato, dou probas dabondo de defender a Democracia e a dignidade social.

Cuarto, os cinco anos do desastre do Prestige (donde todos reclamamos un corredor de seguridade), parece increíble que xustifiquedes agora a entrada na ría de Ferrol de gaseiros cargados.

Pero máis aló de respostarche a algunhas cuestions, quero que me contestes a estas preguntas:

1.- ¿Sabías que nesta comarca son poucos os que se opoñen a unha planta de gas, e moitos os que exixen que a planta esté fora da ría?

2.- ¿Sabías que na autorización constructiva se establecen condicionados a resolver antes do seu funcionamento, dous deles son a distancia os núcleos de poboación que como mínimo son 2000 metros, e saída o mar aberto dos gaseiros en caso de emergencia? ¿Sabes que é imposible cumplir? ¡As casas están a cen metros da planta e só é posible entrar e sair da ría en horas diurnas e con marea chea!
Se o sabes, o teu artigo é cínico. Si non o sabes, é irresponsable.

3.- Sabes que, si non se cumplen esas condicións, o Estado non ten a obriga de indemnizar os promotores da planta?

4.- ¿Sabías que non hai garantía contra un posible accidente na planta de Reganosa, e máis, tendo o lado a Forestal do Atlantico, e moito máis cando chega o gaseiro cargado? ¡Sen mencionar o Arsenal militar a 900 metros!

5.- ¿Sabías que para xustificar a construcción desta planta se argumentou que existían catro grupos de ciclos combinados ademáis de un de Tojeiro que nunca existeu?. Donde está o carácter extratéxico de Reganosa, cando soio podería funcionar co 18% da súa capacidade?

6.- Se a Consellería de Industria non ten competencias sobre a planta de gas, ¿por qué ven reclamándoa día a día? ¿Será porque necesitades o paraguas dos poderes económicos? Indignante que queirades facelo a costa da seguridade dos ferrolterrans.

7.- ¿Por qué dúas varas de medir con Ence en Pontevedra ou os tanques do Ferrazo en Vilagarcía, e cando o facedes con Reganosa?

8.- A derradeira pregunta. Ven de coñecerse un feito grave de compra venta de terreos entre Forestal del Atlántico e Reganosa, tendo como xestores o Conselleiro Orza e o empresario Tojeiro, polo que nun par de meses, se incrementou o prezo deses terreos de 47 millons de pesetas a 737. Estas cantidades, se Reganosa chegara a funcionar, serían pagadas polo Estado, por todos nos. E fago a pregunta: ¿Seguirás defendendo esa planta dentro dá ría, seguirá encubríndo esas prácticas o BNG? A estas alturas xa todos sabemos que a construcción dentro da ría se fixo para facer o pelotazo do século. En Caneliñas non era posible.

E quero afirmar con rotundidade, por último: recurriremos esa autorización ilegal e chegaremos a donde seña necesario para botar da ría a planta de gas e enxuiciar os responsables. A loita contra da dictadura, presupoñía facelo tamén pola xusticia.

Carta enviado polos amigos de Fuco Buxán Asoc. Cultural - Ferrol

Kioto sae barato ás empresas altamente contaminantes

Imaxe: Ciclo combinado en obras

Ás empresas afectadas case non lles custa diñeiro manter o mesmo nivel de gases.

Os expertos entenden que algúns Estados asinantes de Kioto foron xenerosos en exceso repartindo cotas gratuítas e que no mercado a oferta supera á demanda. Por iso, a tonelada de gas CO2 está case regalada.

Tamén por isto as emisións reais non baixan. Por exemplo, no 2006, as industrias galegas tiñan asignada unha cota total de 13,7 millóns, pero emitiron 16,5 millóns de toneladas, segundo datos oficiais do Ministerio de Medio Ambiente. Ese desfasamento (2,7 millóns) poderíase comprar hoxe no mercado por 189.000 euros. Contaminar case non custa nada.

No seguinte plan de asignacións aparecen e desaparecen industrias con respecto ao anterior. Así, no documento que rexerá do 2008 ao 2012 si se estrean a central de ciclo combinado de Endesa nas Pontes e a planta de gas de Reganosa, que no 2008 xa estará en operación comercial. Ademais aparece por primeira vez a central de gas de Sabón.

Non aparece, polo tipo de combustible utilizado e por funcionar en momentos críticos, a central de fuel, que está previsto o seu peche para o 2016.
No PNA 2005-2007 aparecían 45 instalacións galegas; no novo, 59.

Nova relacionada:

Galicia deberá recortar un 10% as súas emisións de CO2 do 2008 ao 2012

Nova da Voz

O pelotazo de Reganosa

Continúan descubríndose datos e informacións evidenciando que non foron nin o emprego nin a xeración de riqueza as verdadeiras motivacións do Sr. Tojeiro e os seus apoios, para situar a Planta de Gas en Punta Promontorio (Mugardos).

Agora descóbrese que o principal motivo é o pelotazo económico-urbanístico.
A empresa “Forestal do Atlántico”, propiedade do Grupo Tojeiro, do chan rústico que comprara a particulares, segregó, en Febreiro de 2001, unha leira de 75.000 m2 rexistrándoa cun valor de 47.500.000 pesetas. Menos de dous meses despois, Forestal do Atlántico S.A vendéuna a Reganosa en 737.000.000 de pesetas.

En menos de dous meses xerou unha plusvalía do 1.552 %.

Coa participación de José Antonio Orza, entón Conselleiro de Economía, este “pelotazo” inscríbese no marco do Convenio con cláusulas confidenciais asinado en xullo do ano 2000 polo Sr. Fraga, entón presidente da Xunta de Galicia, co Sr. Tojeiro e outros socios de Reganosa. José Antonio Orza era socio do Sr. Tojeiro na empresa Forestal do Atlántico S.A., encostada á cal constrúese a Planta de Gas de Reganosa.

Comunicación do Comité Cidadán de Emerxencia.

+ info: Comité Cidadán de Emerxencia para a Ría de Ferrol

O Comité Cidadán de Emerxencia da Ría de Ferrol considera que a Xunta ten diferentes varas de medir

DÚAS VARAS DE MEDIR.

No lugar do Ferrazo da Ría de Arousa, dende o ano 2000 están instalados uns depósitos de hidrocarburos líquidos con 80.000 toneladas almacenadas. Estas instalacións foron autorizadas no seu día pola Consellería de Industria.

De xeito similar ás instalacións de Reganosa na nosa ría, as de Vilagarcía teñen sido obxecto de rexeitamento e protestas populares, protagonizadas pol@s nos@s compañeir@s da Plataforma en Defensa da Ría de Arousa.

Ao igual que no noso caso, o Tribunal Superior de Xustiza de Galiza tense pronunciado en contra das instalacións, no caso de Vilagarcía nunha sentenza que anula a autorización administrativa da Xunta e ademais recoñece o perigo que supoñen os depósitos do Ferrazo para a Ría de Arousa e os seus habitantes.

Recentemente o actual Conselleiro de Industria, Sr Blanco, nunha visita a Vilagarcía manifestou con contundencia que a actividade dos depósitos do Ferrazo non podía seguir. Pero con eso o Sr. Fernando Blanco, a súa Consellería e o Goberno da Xunta amosan duas varas de medir.

Na Ría de Ferrol o complexo petroquimico chamado "Forestal del Atlántico" con 280.000 toneladas de combustibles líquidos e outros productos quimicos canceríxenos, mais a regasificadora de Reganosa con tanques que almacenan 300.000 toneladas de GNL e cos grandes buques gaseiros que entran a descargar, representa un perigo moito maior ao dos depósitos do Ferrazo en Vilagarcía, agrandado ademais polo feito de que os buques gaseiros a plena carga non teñen garantias de sair o mar en caso de unha emerxencia durante a descarga ou no seu tránsito polo interior da Ría de Ferrol.

No caso de Reganosa o TSXG emiteu duas sentenzas que anularon a tramposa tramitación ambiental feita pola Xunta de Galicia no ano 2001, pero a firmeza de ditas sentenzas está atrancada porque no ano 2004 e no ano 2006 foron recurridas o Tribunal Supremo por Reganosa e tamen pola Xunta de Galicia.

Todo isto amosa que o Sr. Blanco, o goberno da Xunta e os partidos que o sosteñen non teñen un proxecto de país, pois aquí din isto e alí aquilo, aquí coa participación do 10% en REGANOSA ameazan a vida human e a riqueza marisqueira da Ria, mentras que alí actúan logo dunha sentenza xudicial. Nen sequera son quen de recibir @s veciñ@s de Meá, que levan case 90 días de peche. O Conselleiro Fernando Blanco, ao igual que todo o goberno da Xunta, debe saber que o verdadeiro cambio non é o de unhas persoas por outras. O verdadeiro cambio é a erradicación da prepotencia e a arbitrariedade con un proxecto coherente de pais.

Saudamos este éxito da poboación de Arousa, que é de tod@s e manifestamos a nosa confianza e determinación na consecución dos nosos obxectivos.

Comité Cidadán de Emerxencia para a Ría de Ferrol.
Ferrolterra 19 de outono de 2007.

¡PLANTA DE GAS FORA DA RÍA !

http://comitecidadan.org

Os asistentes ao Congreso Español de Socioloxía celebrado en Barcelona, asinaron o manifesto en contra da localización de Reganosa

Sociólogos e Investigadores asistentes ao Congreso Español de Socioloxía celebrado en Barcelona, asinaron o manifesto en contra da localización de Reganosa dentro da Ría de Ferrol e en apoio á manifestación que para o próximo 30 de setiembre convocou o Comité Cidadán de Emerxencia.

O Comité Cidadán de Emerxencia para a Ría de Ferrol, fai público que no recente Congreso Español de Socioloxía, celebrado en Barcelona entre os días 13 e 15 de setembro, un número significativo de profesores e investigadores de distintas universidades, firmaron o manifesto en contra da planta de gas de Reganosa no interior da ría de Ferrol, e apoiando a manifestación do vindeiro 30 de setembro as 12 da mañá no Porto de Ferrol coa finalidade de que a Reganosa non lle sexa autorizada a entrada aen funcionamiento definitivo que ten obligación de solicitar.

No manifesto reflíctese o perigo das plantas de gas nas proximidades dos núcleos de poboación e reclámase a "Planta de gas fora da ría".

Entre os sociólogos e investigadores firmantes podemos atopar a súa pertenza a universidades como as de: A Coruña, Vigo, Santiago, Rey Juan Carlos de Madrid, UNED, Central de Barcelona, Autónoma de Barcelona, País Vasco, Salamanca, Complutense de Madrid, La Laguna de Tenerife, A Rioja, Extremadura, Ramón Lluch de Barcelona, Sociólogos sin Fronteiras, etc.

Entre os firmantes e asistentes a dito Congreso Español de Socioloxía encontranse os seguintes: Salvador Giner, da Universidade de Barcelona e Presidente do Instituto de Estudios Catalan; Fermín Bouza, Catedrático da Universidad Complutense de Madrid; Octavio Uña, Catedrático da Universidad Rey Juan Carlos; Alberto Moncada, Presidente de Sociólogos Sin Fronteiras; Maria di Masso: Investigadora da Universidad Autónoma de Barcelona; Xan Bouzada Profesor da Universidad de Vigo, Cristóbal Gómez da Universidad de Madrid, Francisco Eduardo Haz Gómez Sociologo da Universidad de A Coruña; Helena Roman Alonso, Investigadora da Universidad de Salamanca; Marta G. Rivera Investigadora da Universidad de Barcelona, Xose Leira Profesor de Socioloxía da Universidad de A Coruña, etc.

O Comité Cidadán de Emerxencia, nos últimos meses, ven reclamando dos organismos do Ministerio de Industria, competentes nesta materia, que non sexa autorizada a entrada en funcionamento definitivo de Reganosa, en base os condicionados que ten na sua autorización de construción de febreiro de 2004, que son imposibles de resolver e relacionados coa distancias as poboacións e a saída o mar dos buques metaneros en caso dun accidente durante sua descarga ou non transito polo interior dá Ría.

A angosta Ria de Ferrol está comunicada co océano Atlantrico por un sinuso canle con fondo e beiras de rocha, de catro quilómetros de longo e 150 metros de ancho entre bollas. Según un recente informe do CEDEX, organismo público dependente do Ministerio de Fomento, e de esperar que se produzcan victimas a causa das dificultades de navegación que en dito canle teñen os grandes buques metaneros cargados de gas Natural Licuado.

A propietaria do solar de Reganosa socia dun conselleiro do PPdeG.

Reganosa comprou os terreos onde levantouse a pranta de gas de Ferrol a unha empresa participada polo ex conselleiro de Economía do PP José Antonio Orza. No momento da operación, este ex membro do Goberno de Manuel Fraga era socio da propietaria do solar, Forestal del Atlántico, a través de unha sociedade chamada Industrias del Tablero, SA (Intasa). Orza interviu na transacción por partida dobre: coma socio da firma que vendeu a parcela e coma responsabel de Economía da Xunta, que posee o 10 % da empresa que foi adquirida. Fonte "El Pais", para ler mais preme aquí

Manifestación contra Reganosa o vindeiro 30 de Setembro.

O Comité de Cidadá de Emerxencia para a Ría de Ferrol, convoca unha manifestación o vindeiro 30 de Setembro, ás 12 do mediodía no porto de Ferrol. Podedes copiar o cartel e envialo os vosos contactos.

Seguen os actos contra Reganosa en Mugardos

Esta nota foinos enviada pola asociación veciñal Fontelonga: "Na tarde noite de onte o Comité Cidadan acordou asistir a dito Pleno Municipal coas camisetas do CCE, nas suas distintas edicions existentes, ainda que se agarda que predominen as de color roxo ou vermello que chaman mais a atención.Tamen coas bandeiras de color roxo ou vermello que se desplegarán mentras fale Luz Marina Torrente en representación da Federación Roi Xordo e do CCE. Esperase que dito turno de palabra para LUz Marina sexa concedido o principio do pleno segundo o solicitado pola Federación Roli Xordo."
Desde as 18,15 teremos a porta entrada camisetas de color vermello para quen as queira mercar.
Conven ir antes das 18:45 hora a que todos debemos estar dentro.

Peche de veciños de mugardos na casa do concello

Diferentes agrupacións e colectivos seguimos solidarizandonos co peche dos veciños de Mugardos, contra a ubicación de Reganosa. Polo cal teñen lugar diversos actos e actuacións. Ontes, actou na plaza do concello de Mugardos "Os fagulosos cubatas de focking", mentres que hoxe actuarán o redor das 20 horas o cantautor "Roger de Flor", e de seguido o grupo de teatro "Bartoleta Teatro" con unha das suas millores obras "Ataque verbal".
Tamén nesta semana esperase a visita de Xose Manuel Beiras e de Manolo Rivas que ainda non ten fecha confirmada.

O domingo ás 12 da mañá pasarrúas en Mugardos

A Asamblea Cidadá, na xuntanza de Mugardos, acordou o seguinte en apoio ós veciños de Meha que siguen encerrados na Casa do Concello:

Para o Domingo 29 de xullo ás doce da mañá,
estar no peirao de Mugardos, no extremo onde atracan as lanchas de pasaxe, desde onde se saldrá para camiñar ata a casa do concello de Mugardos.

Levaremos buzo branco de papel e/ou camiseta do CCE con mascarilla das brancas, ademais de cacerolas, tambores, outros elementos de percusión e gaitas. O paseo rematará diante da casa do concello onde pódese saudar aos veciños de Meha que siguen pechados.

O buzo branco de papel a un euro, poden atopalo nos seguintes lugares:
Ferreteria na rúa Magdalena de Ferrol, ao carón da copistería Josbe, no bloque de casas preto do Ateneo. Nas Gasolineiras.

Para ir a Mugardos desde Ferrol pódese ir e volver na lancha que sae as horas en punto de Ferrol e as medias de Mugardos.

Comité Cidadán de Emerxencia para a Ría de Ferrol
PLANTA DE GAS FORA DA RÍA!

Entrevista responsable 061 sobre regasificadora Ferrol

Aquí tedes un enlace directo á entrevista a Carlos Lareo, responsable de catástrofes do 061 de Ferrol, realizada pola Asociación Gaxarte de Asturias, a traverso da súa emisora Onda Peñes.

Non ten desperdicio e Mete medo.

Ir á entrevista.

Nota informativa do Comité Cidadán de Emerxencia

"Na páxina Web de TVG (en Television á carta) ou na do Comité Cidadán http://comitecidadan.org, pode verse a entrevista realizada na mañá de hoxe mércores 13 de xuño de 2007, en directo, no informativo matinal de TVG titulado BOS DÍAS, cunha duración de dez minutos.

Carmelo Teixeiro prefireu non perder tempo en correxir o nome que se lle asignou de Presidente do Comite CidadÁn de Emerxencia, o cal non e correctro, xa que é Coordinador.
Tamén sinalara que as cifras que menciona de agua do mar que Reganosa pretende usar, 300.000 toneladas e 600.000 toneladas, son cifras redondeadas por día. A primeira cifra corresponde a capacidade de Regasificación de 322.500 m3/hora que consta na autorizacion a Reganosa para a que precisaría duns 43 barcos ao ano, un cada 9 dias. A segunda cifra correspondería á ampliacion que pretende de 800.000 m3/hora para o que precisaría susministro duns 105 metaneiros ao ano, un cada tres días de 140.000 m3.

Ademais de responder claramente á situación de Bernardo Bastida a día de hoxe, nesa entrevista Carmelo Teixeiro tratou de aporar un contido claro de que Reganosa non é estratéxica, e tamén de que súa Pranta de gas aínda non esta feita para sair ao paso de persoeiros que están errados, unhs e outros queren enganar ao público e tamén enganarse a si mesmos. Ademais nesa entrevista trata de aportar as chaves de como pode e debe ser resolto, a favor da poboacion e dos intereses de Galicia, o conflicto social que Reganosa ven plantexando desde fai case dez anos."

As fotos adxuntas son dos vertidos de Reganosa en unha de súas probas cando estaba descargando o metaneiro Mourad Didouche. Na escollera e preto á costa está a descarga dos vertidos, un tubo de dous metros de diámetro, de onde sae a "sopa química de auga de mar esterilizada con restos de cloro e bisulfito". Nestas probas debe sair unha cantidade menor da que corresponde á vaporización nominal, é dicir, como son probas ese vertido pode estar moi por baixo dos 11.000 m3/hora correspondientes aos 322.500 m3/hora de gas natural regasificado que constan na autorizacion de Reganosa como capacidade nominal.

Preto de cinco mil persoas esixen o traslado da planta de gas de Reganosa é a liberación de Bastida

Unhas cinco mil persoas, segundo distintas fontes, sumáronse este mediodía á protesta convocada polo Comité Cidadán de Emerxencia da Ría para esixir a liberdade do patrón maior do depósito ferrolán e o traslado da planta de gas de Reganosa, en Mugardos, ao exterior da ría.

A protesta prolongouse durante dúas horas, partiu desde o porto para finalizar diante do concello ferrolán, onde os convocantes lle lembraron á futura nova corporación da cidade, encabezada previsiblemente polo socialista Vicente Irisarri, que ten que dar unha solución á localización de Reganosa.

Na mobilización participaron tamén destacados dirixentes do BNG, que desde o Goberno da Xunta situouse a favor da planta que defenden como unha infraestrutura estratéxica para Galicia, entre os que atopábanse o ex-portavoz nacional do BNG, Xosé Manuel Beiras e o ex deputado da UE Camilo Nogueira. Tamén se atopaba o escritor Agustín Fernández Paz e representantes das confrarías de mariscadores e pescadores doutros municipios galegos. O portavoz dos mariscadores ferroláns Jaime Gabarrri sinalou que este colectivo de mariscadores manterá a tregua concedida no seu día a Reganosa ata polo menos o vindeiro martes, data na que está prevista a vista xudicial para revisar o caso de Bernardo Bastida, en prisión desde o pasado mércores, polo bloqueo da ría á entrada do segundo gasero con destino a Reganosa.

Desde o comité cidadán de Emerxencia deron lectura hoxe a un comunicado onde se mostraban confiados en que a Xustiza lles dará a razón, ordenando o traslado de planta regasificadora. Consideran que do mesmo xeito que ocorreu fai anos coa catástrofe do Prestige, «os traballadores do mar víronse na obrigación de tomar a iniciativa ante a ineficacia das autoridades». O Comité considera que «a historia vai camiño de repetirse co caso de Reganosa», que cualifican como o «maior escándalo de corrupción política, económica e mediática da democracia».

En declaracións aos medios Xosé Manuel Beiras cualificou de «espléndido» o éxito da convocatoria e considera que esta mobilización cidadá precisa «dunha reflexión seria» e defendeu a localización de Reganosa no exterior da ría. Beiras considera que a planta de gas é unha herdanza «terrorífica» do Goberno de Fraga, aínda que sinala que a administración autonómica neste caso «ten que tomar a determinación de cambiar a liña política».

REGANOSA: O GAS E A BARBARIE DENTRO DA RÍA DE FERROL

Última hora: cargas policiais nos xulgados contra cidadáns que opóñense a entrada de Gaseiros na Ría de Ferrol

Creemos que toda a cidadanía debe reflexionar sobre o que significa para o noso futuro a instalación de Reganosa dentro da Ría, pero tamén debemos de reflexionar sobre a estratexia empresarial de esta empresa, e o apoio que ten dos grandes poderes. ¿ porque o Estado destina tantos recursos a defender uns intereses privados ? ¿ Para facer cumprir a legalidade?

¿ Quén valora a actuación das “autoridades”? Como explican que a cidadanía de a pe suframos continuamente os roubos e non desmantelen a rede de “peristas” e a economía somerxida relacionada con eles, alegando que non teñen recursos humanos, o problema da xustiza etc etc. Pero actúen deste xeito contra cidadáns (que equivocados ou non) non buscan o beneficio privado senón a defensa do interese xeral


Creemos que por unha sociedade mais democrática , transparente e sostible temos a obriga de frear a Barbarie e apoiar o lema:

¡Planta de gas, fóra da ría!

Estrea do Documental: "O Salario do Silencio"

Dende a a Asociación Veciñal FERROL VELLO infórmannos que o venres 25 de Maio ás 20 horas, no Salón do Vicereiorado (Campus Esteiro - Ferrol), terá lugar a presentación do documental sobre a Pranta de Gas na Ría de Ferrol: "O Salario do Silencio". O documento foi realizado por Mabel Rivera e Enrique Banet e producido por Namche Film, S.L.

Entrada de balde.

Concentración o sabado 12 de maio, ás 12 h no Porto de Ferrol (Curuxeiras)

A raíz da entrada do gasero, chamado Galicia Spirit, desde o mércores 9 de maio de 2007 ás 9,30 da mañá en adiante a poboación da Ría de Ferrol está sometida a unha ameaza real día e noite, polo risco dun accidente grave que poden provocar sustancias perigosas na planta que Reganosa está construíndo ou no buque gasero que alí está atracado.

Por iso o Comité Cidadán de Urxencia para a Ría de Ferrol acordou convocar unha concentración no peirao de Curuxeiras en Ferrol, ás 12 da mañá do sábado próximo día 12 de maio de 2007, coa finalidade de que:

a) A cidadanía Exprese o seu rexeitamento á entrada ilegal dentro de ría dun buque Gasero cargado con 140.500 m3 de Gas Natural Licuado, para descargalo nos tanques que a empresa Reganosa está construíndo, sen ter todos os permisos, sen ter cumprimentado os condicionados da súa autorización de construción e que deben ser cumprimentados antes da posta en funcionamento, entre eles os riscos para a vida humana nas poboacións próximas e a saída de urxencia dos buques gaseros, ambos imposibles de cumprimentar, polo que é ilegal a acta de probas outorgado o 4 de maio polo Área de Enerxía desa Subdelegación que serviu de pretexto para burlar a lei coa entrada de devandito buque gasero.

b) A cidadanía esixa por escrito o cese do Capitán Marítimo de Ferrol D. Jorge Cao Ruiz, do Presidente da Autoridade Portuaria D. Amable Dopico Freire e do Delegado do Goberno D. Manuel Ameijeiras Vales, por permitir a entrada do gasero Galicia Spirit cargado de gas natural licuado, a partir do cal iníciase un risco, permanente día e noite, de accidente grave que ameaza a vida da poboación próxima e á riqueza marisquera dentro de Ría de Ferrol.

Así mesmo o Comité Cidadán de Emerxencia acordou continuar coas actuacións por vía administrativa, xudicial, de mobilización e información á sociedade, a fin de que sexa paralizada a actividade na Planta de Gas de Reganosa.