Videos da festa da fraga

Loading...

domingo, março 30, 2008

Os xitanos non integrados en Galicia son só o 10%, segundo o secretariado calé


O 90 por cento dos xitanos residentes en Galicia están integrados, aínda que a percepción social que existe parece ser outra, segundo sostén a Federación Secretariado Xitano, que constata que, a pesar da normalidade da maioría da comunidade desta etnia, é o 10 por cento restante, que, por distintas razóns, non conseguiu integrarse na sociedade, o que cobra protagonismo en situacións de certo conflito.

O director da Federación Secretariado Xitano en Galicia, Santiago González Avión, explicou que, do total de poboados xitanos galegos, só oito teñen algún grao de conflitividade e, entre eles, destacou como os de maior dimensión O Vao; Penamoa, na Coruña; e Freixeiro, en Narón.

Segundo os datos desta organización, na actualidade na Comunidade residen unhas 10.500 persoas de etnia xitana, aínda que advertiu de que os datos oficiais remóntanse ao ano 2000 e cifrábanas en 8.417 persoas en 46 municipios.

Respecto diso, destacou que os actos de rexeitamento veciñal ao reacollo de xitanos procedentes do poboado do Vao en novos barrios residenciais como Monte Porreiro traen á actualidade determinadas actitudes desechables. Na súa opinón, tras esta situación están tópicos e discursos que culpan á parte máis débil dun fenómeno complexo como son as drogas e as persoas en situación de exclusión social.

Corenta asentamentos

A partir do citado informe do ano 2000, e da estimación actual que realiza a súa federación, concretou que do total de xitanos que viven na comunidade, entre 3.000 e menos de 3.400 persoas desta etnia viviría nalgún dos 40 asentamentos que existen.

Ademais, insistiu no proceso de transformación que está a vivir a poboación xitana e nos "avances" en niveis de escolarización, atención sanitaria, vivenda, emprego e no ámbito cultural, logrados os últimos anos e que están a propiciar a súa integración.

Na súa opinión, os factores crave para a inserción social dos xitanos é facilitar o seu acceso á vivenda e ao mercado laboral por conta allea, así como o desenvolvemento educativo tanto deste colectivo como dos payos.

Publicado no Diario de Pontevedra

2 comentários:

Félix Soria disse...

Con todo o respeto para o "experto" e voceiro xitano: O acceso á vivenda, ao traballo e á educación NON son factores específicos de integración para os xitanos, senón que son factores de integración para calqueira persoa excluída, sexa de etnia xitana, inmigrante sen regularizar, delincuente recén excarcelado ou a familia morosa a que botaron fora do seu piso por non poder pagar a hipoteca.
¿Cando se farán análises que de verdade falen de xitanos excluídos e autoexcluídos?

fismi disse...

Comparto contigo que hai xitanos autoexcluídos, e que hai algunha comunidade no mundo que non teña indiviudos que se automarxinen? Segurísimo que non.

De calquer forma, se no teu DNI pon que naciche e vives en Penamoa, dudo que te contraten en todo Galicia... iso é tamén autoexclusión?