Videos da festa da fraga

Loading...

segunda-feira, outubro 22, 2007

Expertos en turismo sinalan en Santiago que o medre do sector pasa só por unha canle: a Internet

O Seminario de Turismo e Novas Tecnoloxías que se celebrou estes días en Santiago e que organizou a Consellería de Innovación coa axuda de EGANET, serviu, entre outras cousas, para crebar unha serie de tópicos vinculados coa Rede e o sector turístico. Por exemplo: malia o que se poida pensar, a Rede non só é un instrumento de primeira orde para procurar contidos sexuais. De feito, e para facérmonos unha idea, en determinados servizos de procura xa é máis importante a palabra “hotel” cá verba “sexo”. Isto que a primeira vista é un dato sen moita relevancia, reflicte sen embargo un fenómeno que xa non é cousa do futuro senón que, como sinalou Rubén López (director de Elogia Media-GaliciaBanner), ferve de actualidade: a Rede é unha parte imprescindible do mercado turístico, das actividades publicitarias, das súas operacións de venda e da súa xestión.
No encontro, que tivo lugar no Palacio de Congresos baixo o epígrafe Cómo posicionar un espazo en Internet, déronse cita representantes de ambos bandos (turismo e Rede) e mesmo dos eidos académicos e institucionais: Rubén Lois, director xeral de Turismo da Xunta; Manuel Gago Mariño, director de Culturagalega.org; Javier González Soria, director de División de Turismo España e Portugal de Google; Víctor López, xerente de AVA; Manuel Pan de Abertal ou o devandito Rubén López, de Elogia-GaliciaBanner.

Seguir lendo o artigo en Código Cero - Diario Tecnolóxico de Galicia

Sem comentários: